ЦЕГ: Түлшний машины чиргүүлийн дугуй шатаж, өөрсдөө цаг алдалгүй унтрааж амжсан байна

Олон нийтийн цахим сүлжээнд Дундговь аймагт түлш тээврийн том оврын машин шатаж буй дүрс, бичлэг түгээгджээ.

Энэ талаар тодруулбал Дундговь аймгийн Дэрэн сумын 2 дугаар багийн нутаг дэвсгэрт иргэн О-ын түлш тээврийн автомашины чиргүүлийн дугуй шатаж, өөрсдөө цаг алдалгүй унтрааж амжсан байна.

Жолоочийн биед ямар нэгэн гэмтэл шарх учраагүй, тээврийн хэрэгсэлд ноцтой хохиролгүй, цахим сүлжээнд хуучин бичлэг тавигджээ.