Монгол Улсын ЭСЯ-ыг Минск хотод нээхийг дэмжлээ

УИХ-ын чуулганы өнөөдрийн хуралдаан эхэллээ. Чуулганы хуралдаан үргэлжилж байгаа бөгөөд хуралдаанаар Бүгд Найрамдах Беларусь Улсын нийслэл Минск хотуудад Элчин сайдын яам байгуулах тогтоолын төслийг батлах болон 11 асуудал хэлэлцэхээр төлөвлөжээ.

Чуулганы эхэнд Бүгд Найрамдах Беларусь Улсын нийслэл Минск хотод Монгол Улсын Элчин сайдын яам нээн ажиллуулах тухай Улсын Их Хурлын тогтоолын төслийг үргэлжлүүлэн хэлэлцлээ. Өчигдрийн чуулганы хуралдаанаар энэ асуудлаар гишүүд асуулт тавьж, хариулт авч, үг хэлсэн. Тиймээс өнөөдрийн чуулганы хуралдаанаар санал хураалт явуулж, гишүүдийн олонхийн саналаар Минкс хотод Элчин сайдын яам байгуулахыг дэмжлээ.