Төв цэнгэлдэхийг дүүргэх дараагийн дуучин МУГЖ С.Жавхлан байх уу

Энэ зун Төв цэнгэлдэх хүрээлэнд хэд хэдэн хамтлаг дуучдын тоглолт болсон. Гэхдээ үзэгчдийн хүсэн хүлээсэн уур амьсгал, хүлээлтээс илүү гарч чадаагүй.

Төв цэнгэлдэх хүрээлэн бол хамгийн том задгай талбайтай тайз гэдгээрээ онцлог. Тиймээс энэ тайзыг хэн дуртай уран бүтээлч нь “амлаж” тоглолт хийдэггүй. Тэгвэл МУГЖ дуучин Самандын Жавхлан төв цэнгэлдэхэд тоглолтоо хийх талаар өөрийн цахим хуудсаараа дамжуулан: "Төв цэнгэлдэхэд тоглолт хийх үү. Яах вэ. Санал ирээд хоёр сар шахам болж байна. Санаа оноо юу байцгаана. Шийдээгүй л байна" хэмээжээ.