А.Амбасэлмаа: 644 сорьцод шинжилгээ хийхэд 24 хүнд коронавирус илэрлээ

ЭМЯ-наас коронавируст халдварын нөхцөл байдлын талаарх ээлжит мэдээллээ хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа хэлэхдээ "2020 оны 11 дүгээр сарын 11-ний өдөр ХӨСҮТ-ийн вирус судлалын хоёр лаборатори, Сэлэнгэ, Дархан-Уул аймгийн салбар лабораториудад 644 хүний сорьцод шинжилгээ хийхэд 620-д нь коронавирус илрээгүй, харин 24 хүний шинжилгээнд коронавирус илэрлээ. Тухайлбал,

• 10 дугаар сарын 22-нд Алтанбулагийн боомтоор орж ирсэн нэг хүний давтан шинжилгээ,
• 11 дүгээр сарын 10-нд Алтанбулагийн боомтоор орж ирсэн тээврийн нэг жолооч,
• 10 дугаар сарын 19-нд Сөүл-Улаанбаатарын онгоцоор ирсэн 5 хүний давтан шинжилгээ, 
• 10 дугаар сарын 20-нд Сөүл-Улаанбаатарын онгоцоор ирсэн 8 хүний давтан шинжилгээ, 
• 10 дугаар сарын 21-нд Энэтхэг-Улаанбаатарын онгоцоор ирсэн 3 хүний давтан шинжилгээ, 
• Хяналтад байсан гурван хүний шинжилгээнд тус тус ковид илэрчээ.

Халдвартай иргэний ойрын болон дам хавьтал 171 хүний шинжилгээнд халдвар илрээгүй.