А.Амбасэлмаа:ХСҮТ-ээс хоёр, БЗД-ийн голомтоос 16, нийт 20 хүнд халдвар илэрлээ

Эрүүл мэндийн яамнаас ээлжит мэдээллээ хийлээ. ХӨСҮТ-ийн Тандалт судалгааны албаны дарга А.Амбасэлмаа "Өчигдөр нийт 13597 хүнд шинжилгээ хийснээс 20 хүнд халдвар илэрлээ.

Тодруулбал, Баянзүрх дүүргийн голомтоос 16 хүнд халдвар илэрсэн бол Хавдар судлалын үндэсний төвөөс хоёр хүнд халдвар илэрлээ. Харин тусгай үүргийн онгоцоор ирсэн хоёр иргэний давтан шинжилгээнд халдвар илэрлээ. ХСҮТ-ийн хоёрын тухайд нэг нь эмч, нөгөө нь нягтлан бодогч байна. 

Нийтдээ манай улсад батлагдсан 1215 болж эдгэрсэн хүний тоо 810 болсон байна" гэв.